Kenda danska tíðindakvinnan Matilde Kimer, sum starvast fyri Danmarks Radio, sleppur ikki longur at gera journalistikk í Ukraina.
Ukrainska trygdartænastan SBU hevur givið verjumálaráðnum í landinum boð um at strika akkrediteringina hjá Kimer, tí at mett verður, at hon hevur samhuga við Russlandi.
Kimer heldur, at ukrainar hava hugt eftir ávísum uppsløgum á Facebook-profili hennara (sí niðanfyri). Hon heldur tó als ikki, at nakað hald er í skuldsetingunum hjá teimum.
- Eg síggi ikki tað, sum teir síggja. Eg skilji tað als ikki, sigur Kimer.
- Eg haldi ikki, at mín journalistikkur er litaður. Sum tíðindafólk havi eg altíð lagt stóran dent á ikki at vísa kenslur, men at siga frá tí, sum hendir, sigur hon við dr.dk.
Um tú veitst okkurt, sum VP ikki veit - skriva so til vp@vp.fo