Tórbjørn Jacobsen, næstformaður í Kommunufelagnum og borgarstjóri í Runavíkar kommunu, sigur við Kringvarpið, at kunngerðin um óljóð frá skipum við bryggju ger seg inn á kommunala sjálvræðið.
Veruleikin er, at kommunurnar hava í áravís ikki vilja tikið ábyrgd fyri sínum egna vinnuvirksemi, hóast víst hevur verið á, at larmurin ger seg inná teirra borgarar.
Kommunufelagið hevur tískil kastað bóltin til landsstýrismannin, sum umsitur umhvørvisverndarlógina.
Nú, tá uppskotið til kunngerð er komið frá Umhvørvis- og vinnumálaráðnum, sigur Torbjørn Jacobsen, at kunngerðin ger seg inn á sjálvræðið hjá kommununum.
Kommunurnar hava altíð havt sjálvræðið í hesum málinum, men, tá ein kastar ábyrgd frá sær, er vandi fyri at missa sjálvræðið.
Felagið Heimafriður hevur fleiri ferðir bjóðað til dialog og eru vit altíð til reiðar at koma til fundarborðið til konstruktiva samskiftið, sum næstformaðurin í Kommunufelagnum eftirlýsir.
Trina Elttør Eysturoy, forkvinna
Tlf.: 27180
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
