Klaksvíkar kommuna: Seinastu dagarnar er kavin blotnaður, samstundis sum nógv regn eisini er komið niður.
Tamarhald er nú á støðuni, og Klaksvíkar kommuna arbeiðir framvegis við upptakinum eftir áarlopini, sum vóru mánadagin.
Nøkur hús eru hart rakt av skaðum, men fleiri onnur hava fingið smærri og størri vatnskaðar.
Borgarar, sum hava trupulleikar av, at vatn støðugt kemur inn í húsini, skulu beinanvegin seta seg í samband við Vegadeildina hjá kommununi á telefon nr. 216488, sum, um neyðugt, sendir boð víðari til Sløkkiliðið.
Borgarar, sum hava havt vatntrupulleikar, men sum hava fingið tamarhald á støðuni, skulu seta seg í samband við tryggingarfeløgini.
Um tú veitst okkurt, sum VP ikki veit - skriva so til vp@vp.fo