Týsk løgregla hevur handtikið 25 fólk í dag, sum ætlaðu at fremja statskvett. Fólkini vórðu handtikin í einum stórum átaki sum var samstundis á minst 130 bústøðum í fleiri landspørtum. Yvir 3000 løgreglufólk tóku lut í átakinum.
Men sagt verður, at ikki øll tey sum eru undir illtruna vórðu tikin í átakinum í morgun, og tí eru tey framvegis eftirlýst.
Fólkini ætlaðu at leypa á Ríkisdagin og onnur støð eins og yvirgangur skuldi fremjast nógvastaðni.
Tey ætlaðu at seta á stovn aftur týska kaisararíkið, frættist úr Týsklandi.
Um tú veitst okkurt, sum VP ikki veit - skriva so til vp@vp.fo