Kvinnurnar fara í heyst undir nýggju Nations League kappingina - Mynd: Bjarni Enghamar / Savnsmynd
Kvinnurnar fara í heyst undir nýggju Nations League kappingina - Mynd: Bjarni Enghamar / Savnsmynd
Kvinnurnar fara í heyst undir nýggju Nations League kappingina - Mynd: Bjarni Enghamar / Savnsmynd
FSF: Fríggjakvøldið 22. september seta kvinnurnar hol á nýggju Nations League kappingina á heimavølli móti Montenegro. Harumframt eru tveir aðrir heimadystir á skránni 27. og 31. oktober, tá ið ávíkavist Aserbadjan og Kýpros vitja í Føroyum.
Sum nakað nýtt kanst tú nú keypa tær landsliðspakka til allar heimadystirnar hjá Kvinnulandsliðnum, har tú fyri bert 225kr fært atgongumerki til allar tríggjar dystirnar – enntá á bestu plássunum mitt á langsíðuni.
Leinkja til Kvinnulandsliðspakkan á nethandlinum.
Øll, sum keypa sær Kvinnulandsliðspakka eru við í lutakastinum um eitt gávukort frá Hotel Brandan á 2000kr, umframt eina føroyska landsliðsblusu. Freistin at keypa pakkan er 8. september 2023, og eftir hetta verða vanlig atgongumerki til fyrsta dystin sett til sølu.
Skráin hjá kvinnunum í Nations League er hendan:
22. september: Føroyar – Montenegro
26. september: Kýpros – Føroyar
27. oktober: Føroyar – Aserbadjan
31. oktober: Føroyar – Kýpros
1. desember: Montenegro – Føroyar
5. desember: Aserbadjan – Føroyar
Um tú veitst okkurt, sum VP ikki veit - skriva so til vp@vp.fo
