Hetta kemst av, sambært Lægemiddelstyrelsen, at á summum vaksinasjónsstøðum er møguligur feilur staðfestur viðvíkjandi brúkinum av vaksinuni.
Mánakvøldið fekk danska Lægemiddelstyrelsen fráboðan um, at heilsustarvsfólk á fleiri vaksinasjónsstøðum í Region Sjælland umframt á apotekum í Høvuðsstaðarøkinum høvdu sæð bløðrur í vaksinuni, eftir at vaksinan var komin í sproytuna.
- Orsøkin til bløðrurnar er ikki kend enn, men Lægemiddelstyrelsen er í tøttum sambandi við Pfizer, Statens Serum Institut og landspartarnar fyri skjótast gjørligt at finna orsøkina og um hetta hevur nakra ávirkan á trygd og góðsku, skrivar Lægemiddelstyrelsen.
Um tú veitst okkurt, sum VP ikki veit - skriva so til vp@vp.fo
