Føroya Ríðingarfelag: Nógv reiðfólk og fólk við áhuga fyri rossum munna hava hildið ondina, tá koronafarsóttin herfyri aftur fór at herja um oyggjarnar. Tí Leynavatn er á skrá næsta vikuskiftið og fyri nógv reiðfólk er hetta hæddarpunktið á árinum.
Tí var tað helst stórur lætti fyri hesi, tá nevndin í Føroya Ríðingarfelag í vikuni kundi boða frá, at tað eftir samráð við Koronuvegleiðingina og Pál Veihe var avgjørt at Leynavatn kundi haldast sum vanlligt er, og hevur verið líka síðani 1970.
Tað sum bjargar Leynavatnstevnuni, er at øll tiltøk eru úti og at óv mikið av plássið er til fólk. Byrjað verður eftir siði, fríggjakvøld, tá reiðfólk hittast í Havnardali og saman á rosabakið halda leiðini norður til Leynavatn, leygardagin verður so kappríðing og endar tað sum vant við bálið um kvøldið.
Um tú veitst okkurt, sum VP ikki veit - skriva so til vp@vp.fo
