Reyði Krossur Føroya: Reyði Krossur Føroya og LÍV skrivaðu í dag undir trý ára avtalu, sum inniber, at LÍV er høvuðsstuðul hjá Vitjanartænastuni hjá Reyða Krossi.
Vitjanartænastan hjá Reyða Krossi virkar fyri at basa einsemi, tí vit vita, at einsemi og sosial avbyrging eru stórir fólkaheilsutrupulleikar, ið hava ringa ávirkan á bæði likamliga og sálarliga vælveruna hjá fólki.
Vitjanartænastan hevur seinastu árini verið merkt av øktum áhuga, og tí er tað sera gleðiligt, at hendan avtalan kann vera við til at tryggja karmarnar og grundarlagið undir tænastuni, soleiðis at hon framhaldandi hevur møguleika at mennast og víðkast.
Reyði Krossur fegnast um stuðulin og vit gleða okkum til eitt gott samstarv við LÍV.
Um tú veitst okkurt, sum VP ikki veit - skriva so til vp@vp.fo
