Í gjár fylti Dagstovnurin á Hamrinum 20 ár og í tí sambandi vórðu eisini fleiri starvsdagar hátíðarhildnir.
Borgarstjórin helt røðu og byrjaði við at bjóða øllum vælkomnum í tí ótrúliga góða veðrinum.
- Tá spurt verður, hví vit gera burturúr starvsdøgum, so eru tað sjálvandi fleiri orsøkir til tað – høvuðsorsøkin er, at tílíkir starvsdagar benda á, at fólk trívast í starvinum, og fyri Tórshavnar kommunu hevur einki størri týdning enn tað.
- Tað hevur samstundis stóran týdning at hava starvsfólk, sum hava drúgvar royndir. Starvsfólk, sum hava havt ymsar og fjølbroyttar arbeiðsuppgávur, og hava møtt nógvum avbjóðingum gjøgnum eitt langt arbeiðslív.
- Eg fari at takka tykkum øllum hjartaliga fyri tykkara stóra íkast og drúgvu tænastu fyri børnini og foreldrini í kommununi, sum síðan nevndi øll tey, ið høvdu starvsdagar.
Um tú veitst okkurt, sum VP ikki veit - skriva so til vp@vp.fo
