Løgtingið fer á fundinum, sum byrjar klokkan 10 í dag, millum annað at viðgera tvey uppskot hjá Magnus Rasmussen, landsstýrismanni, sum bæði snúgva seg um náttúruvernd og -friðing.
Eisini koma tey uppskot til viðgerar sum snúgva seg um barsilsskipanina. Annað, sum Bjørt Samuelsen eigur, snýr seg um at víðka skipanina við fleksfarloyvi yvir tvey ár, rætt í sambandi við præmatur- ella deyðfødd børn, rætt undir arbeiðs- ella lestrarørindum v.m. Hitt, sum Framsókn eigur, snýr seg um at javna hámarksupphæddina.
Eisini eru fleiri uppskot til samtyktar á skránni. Eitt nú um filmsvinnu og um at leggja grundleggjandi avgerðina um loftrúmsradara fyri Løgtingið til avgerðar.
Um tú veitst okkurt, sum VP ikki veit - skriva so til vp@vp.fo