Tvíkiljan Nøvan hjá Luna bleiv tikin upp á dagførda bedingsvogninum og inn í gomlu byggihøllina á MEST í Tórshavn seinnapartin í gjár.
Nøvan er 15 metrar til longdar og 6 metrar breið og skal til høvuðsumvælingar inni í høllini komandi vikurnar.
Tað tók einans 5 minuttir at fáa tvíkiljuna av bedingini og inn í høllina har hon verður standandi á vogninum.
Motorar og gear skulu skiftast og ávísar minni umbyggingar gerast. Harumframt verður ymiskt annað viðlíkahald framt - eitt nú reinsing og máling.
Sum tað sæst á myndunum er eru umstøðurnar góðar og høllin útgjørd við traverskranum, v.m.
Nøvan hevur sítt vanliga virksemi við aliringarnar hjá Luna á Velbastað.
Um tú veitst okkurt, sum VP ikki veit - skriva so til vp@vp.fo