Trúgv teimum sum siga seg leita eftir sannleikanum. Ivast í teimum sum siga seg hava funnið hann
- André Gide, franskur rithøvundur

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Krutl

Mikukvøldið 20. november sýnir Filmsfelagið ”Honeyland”, sum er heimildarfilmur úr Norðurmakedónia, ið er heimsins nýggjasta land.

Tað er í eini avfólkaðari bygd har í landinum, at vit møta Hatidze, sum gongur niðan í líðina at hyggja eftir býflugubølinum, hon hevur gjørt har uppi. Meðan hon stillisliga syngur, tekur hon hunangin, uttan at hava so mikið sum vernd fyri andlitið ella handskar á hondunum. Komin oman aftur á slætt, er hon fyrst og fremst um gomlu mammuna, sum liggur í song, og tá stundir eru, fer hon drúgvu ferðina inn í stórbýin, Skopje, at selja hunangin.

Men so flytir eitt nomaduhúski til friðfyltu bygdina og alt paradísið fer upp í larm og maskinur við sjey óstýriligum børnum og hálvt annað hundrað neytum.

Allíkavæl bjóðar Hatidze teimum vælkomnum í grannalagið og sigur teimum alt um kynsturin at gera hunang og halda býflugur.

Men sum frá líður tekur hin ovasti í nýggja grannahúskinum sær rættin til eina avgerð, sum í allar ævir fer at broyta lívið og tilveruna hjá Hatidze.

Honeyland fer fram í Norðurmakedonia, mitt í Evropa, og samstundis so fjart frá øllum, sum vit kenna á okkara leiðum.

Ein djúphugsin og hjartanemandi filmur, sum er so avbera vakur at síggja á stórum lørifti í biografinum.

Norðurmakedeoniski filmurin um Hatidze, ”Honeyland”, er tann filmur, ið tilsamans fær besta ummæli í heimspressuni hetta skeiðið í Filmsfelagnum við einum ratingtali á 86 stig á Metascore.

Sýninginarnar í Filmsfelagnum, sum eru hvønn mikudag, eru almennar og krevja ikki limaskap.

Um tú veitst okkurt, sum VP ikki veit - skriva so til vp@vp.fo