Norski forsætisráðharrin, Jonas Gahr Støre, umhugsar at kallað Stórtingið saman í úrtíð, av teirri orsøk av fleiri vinnufyritøkur í Noregi rópa neyðarróp, tí tær fáa ikki nóg nógvan streym. Tann streymurin, sum fæst, er sera dýrur, og tað kemst av, at turkur hevur verið, serliga í har suðri og miðskeiðis í landinum, har streymurin vanliga kemur frá vatnorku.
Øvugt er har norðuri í landinum. Har er nóg mikið til, men tað eru ikki káplar ímillum so til ber at flyta streymin.
Vinnufyritøkurnar hava fleiri ávarað um, at tær noyðast skjótt at steingja og senda fólk til hús, um ikki ein loysn verður funnin á dýra streyminum. Tær vilja eisini hava fíggjarliga hjálp frá stjørnini, so leingi sum støðan er, sum hon er.
Um tú veitst okkurt, sum VP ikki veit - skriva so til vp@vp.fo
