Tórshavnar kommuna: Nú skulu fyrstu 400-500 brúkararnir av Samleikanum endurnýggja sín Samleika. Samleikin hevur eina gildistíð uppá tvey ár, og í farnu viku vóru tvey ár liðin, síðan Samleikin varð tikin í nýtslu. Tað tekur umleið tveir minuttir at endurnýggja Samleikan á snildfonini.
Tá tú roynir at rita inn við einum útgingnum Samleika, kemur myndin at samanbera fram hjá tænastuveitaranum, men einki kemur fram í Samleika appini.
Tú sært gildistíðina á tínum Samleika við at lata appina upp, velja »Stillingar« og síðan trýsta á »Um Samleikan«.
Á leinkinum niðanfyri sært tú, hvussu tú endurnýggjar Samleikan. Tú kanst eisini lesa meira um endurnýggjan av Samleikanum á heimasíðuni hjá Samleikanum.
Tað tekur umleið tveir minuttir at endurnýggja Samleikan.
Um tú veitst okkurt, sum VP ikki veit - skriva so til vp@vp.fo