Vágatíðindi
Vága kommuna: Leygardagin, tann 21. mai 2016, hevði Zarepta móttøku, nú nýggi stásiligi bygningurin er liðugur. Rósa Samuelsen, borgarstjóri, var til móttøkuna.
Hon handaði Zarepta eina klokku úr føroyskum gróti, og ynskti teimum hjartaliga til lukku og góðan byr.
Hon takkaði fyri tað stóra týdningarmikla arbeiðið, sum verður gjørt á Zarepta, fyri børnini og tey ungu.
Eisini nýtti hon høvið til at takka fyri samstarvið, serliga tá hugsað verður um, at Zarepta er partur av tilbúgvingini fyri Føroyar sum heild og serliga fyri Vágar.
Um tú veitst okkurt, sum VP ikki veit - skriva so til vp@vp.fo
