Nýggja leiðslan hjá Leif Mohr. Frá vinstru Leivur Holm, forstjóri, Hjalmar Sjóvará fíggjarstjóri og Kenneth Johannesen, tekniskur stjóri. Aftanfyri á myndini sæst stovnarin av fyritøkuni Leif Mohr.
Nýggja leiðslan hjá Leif Mohr. Frá vinstru Leivur Holm, forstjóri, Hjalmar Sjóvará fíggjarstjóri og Kenneth Johannesen, tekniskur stjóri. Aftanfyri á myndini sæst stovnarin av fyritøkuni Leif Mohr.
Nýggja leiðslan hjá Leif Mohr. Frá vinstru Leivur Holm, forstjóri, Hjalmar Sjóvará fíggjarstjóri og Kenneth Johannesen, tekniskur stjóri. Aftanfyri á myndini sæst stovnarin av fyritøkuni Leif Mohr.
Á nevndarfundi hjá Leif Mohr mánadagin 20. november varð samtykt at leggja fyritøkurnar Leif Mohr og LM Electric saman.
Samanlagda felagið fer framyvir at eita Leif Mohr.
Á nevndarfundinum varð samtykt at styrkja um leiðsluna hjá Leif Mohr við Hjalmari Sjóvará, sum verður fíggjarstjóri og Kenneth Johannesen, sum verður tekniskur stjóri.
Leivur Holm verður framhaldandi forstjóri í fyritøkuni.
Hjalmar Sjóvará er útbúgvin cand. merc. og hevur verið fíggjarleiðari hjá Leif Mohr og LM Electric í skjótt 30 ár.
Kenneth Johannesen er útbúgvin sum bæði elektrikari og sterkstreymsverkfrøðingur, og hevur verið tekniskur leiðari hjá LM Electric í skjótt 5 ár.
Leif Mohr er stórveitari til føroysku vinnuna við alskyns el-tøkniligum tólum, er størsta el-fyritøkan í landinum og hevur handil við el-lutum til vinnuna og heimið.
Seinastu vørurnar, sum eru lagdar afturat eru hitapumpur og sólpanel.
Leif Mohr hevur sett sær fyri at ganga á odda í grønu elektrifiseringini av føroyska samfelagnum.
Harafturat hevur Leif Mohr styrkt um deildina, sum arbeiðir við stýringum og automatikki til vinnu og størri bygningar.
Samanleggingin verður liðugt gjøgnumførd í 2024.
Um tú veitst okkurt, sum VP ikki veit - skriva so til vp@vp.fo
