Um tvey tíðina í nátt fekk løgreglan fráboðan um, at onkur var inni í einum húsum á Argjum, sum onki hevði at gera har. Tað var grannin sum boðaði frá.
Tá løgreglan kom á staðið kundi staðfestast, at talan var um blaðung fólk, sum vóru farin inn í húsini, sum møguliga vóru ólæst, og har høvdu tey tikið nakað av rúsdrekka, sum tey ætlaðu sær avstað við.
Slíkt er at stjala og hevði havt við sær ákæru um tað sama, men av tí at fólkini vóru so ung verða tað foreldur og sosialir myndugleikar sum fara at taka eitt álvarsprát við børnini, so tey kunnu rætta kós og ikki koma sær út í okkurt álvarsamt seinni í lívinum, frættist av politistøðini í Havn.
Um tú veitst okkurt, sum VP ikki veit - skriva so til vp@vp.fo