Eftir avdúkingina av einum loyniligum fundi hava hundraðtúsund týskarar mótmælt seinastu dagarnar.
- Eingin toleransa yvir fyri intoleransu!
- Øll hata nazistar!
- Nazistar = lortendar!
Hetta vóru nakrir av boðskapunum á skeltum og bannarum, sum demonstrantarnir høvdu við sær í dag.
Í fleiri av stóru býunum í Týsklandi vóru aftur í dag mótmælisfólk móti uttasta høgravonginum, harímillum flokkinum Alternative für Deutchsland (AfD).
Orsøkin til mongu mótmælini er avdúkingin í miðlinum Correctiv, sum avdúkaði, at fleiri politikarar frá fleiri týskum flokkum, serliga frá AfD, hittu høgraekstremistiskar politikarar úr Eysturríki, nýnazistar og vinnulívsfólk í býnum Postdam í novembur 2023.
Fundurin snúði seg um, hvussu mann kundi hópdeporterað sokallað "óynskt" fólk úr Týsklandi - serliga immigrantar, men eisini týskar ríkisborgarar, skrivar DR.
Um tú veitst okkurt, sum VP ikki veit - skriva so til vp@vp.fo