Innlendis ítróttur
Fyri tíð er Ovari vøllur klárur og verður handaður Tórshavnar kommunu í morgin.
Tað er fyritøkan Laiderz sum hevur endurnýggja graslíkið.
9. juli byrjaði arbeiðið við at endurnýggja graslíkið og undirliggjandi stoytdoyvingarlagið, umframt fyrireika sprinklaraskipan v.m.
Tá var meldað út at, arbeiðið skuldi vera liðugt í seinasta lagi 5. september, men longu nú er tað liðugt.
Býráðið hevur játtað 5 miljónir til Ovara vøll í ár og 4 miljónir eru avsettar í langtíðarætlanini fyri næsta ár, t.v.s. 9 miljónir íalt. Hetta eru søguligar upphæddir, so nógv er ikki játtað í mong ár.
Dronumyndirnar tók Ólavur Frederiksen/Faroephoto.com.
Um tú veitst okkurt, sum VP ikki veit - skriva so til vp@vp.fo
