- Hetta er ótolandi. Populistiskir politikarar í fleiri londum spæla við eld við at eggja til slíkt, segði turkiski forsetin Recep Tayyip Erdogan á ST-talarastólinum í New York, og hann var ikki tann einasti.
Iranski forsetin Ebrahim Raisi helt eini koran framman fyri sær og ákærdi vesturheimin fyri at royna at tosa uttanum veruligu trupulleikarnar og brúa talufrælsi sum umbering. Og Emirurin úr Qatar, sheikh Tamim bin Hamad Al Thani, helt í síni røðu soleiðis fyri:
- Eg sigi við mínar muslimsku brøður, at tað er ósannlíkt, at vit fara at lata okkum ørkymla av einum býttlingi ella fordómsfullum persóni, sum hvønn einasta dag hann finnur tað fyri gott brennur eina heilaga koran.
Um tú veitst okkurt, sum VP ikki veit - skriva so til vp@vp.fo
