Týski kanslarin Olaf Scholz og forsetin í Russlandi Vladimir Putin hittust í Moskva í dag.
Putin undirstrikaði aftur at landið ikki ynskir kríggj í Europa, hóast stórar deildir eru fluttar móti markinum til Ukraina í norði, suðri og eystri.
Russiski forsetin endurtók eisini, at avgerð er tikin um eina partvísa afturtøku av deildunum við markið til Ukraina.
Hann vísti eisini á at trupulleikarnir í Donbass-økinum í Ukraina mugu loysast, og heldur at loysnin eigur at byggja á semjuna í Minsk-protokollini frá 2015, skrivar VG.
Kanslarin í Týsklandi, Olaf Scholz, sigur eftir fundin, at tað er eitt positivt tekin at Russland nú tekur aftur partar av deildunum, og heldur at framvegis er møguleiki fyri eini diplomatiskari loysn.
– Trygd í Europa er bert møgulig saman við Russlandi. Tað verður eingin trygd um gingið verður ímóti Russlandi, segði Scholz.
#BREAKING Putin says 'of course' Russia does not want war pic.twitter.com/cQDXPZGp2Y
— AFP News Agency (@AFP) February 15, 2022
Um tú veitst okkurt, sum VP ikki veit - skriva so til vp@vp.fo