Fyrr í dag kom 27 ára gamli bretin Ross Cook á mál í Bizerte, heilt har norði í Tunesia. Tá hevði hann runnið 16.400 kilometrar, sum er longdin á øllum Afrika, eftir 352 døgum. Hann skuldi sostatt renna meira enn longdina á einum maraton - hvønn dag.
Ferðin byrjaði í Suðurafrika, og endamálið var at savna saman pening til ymsar felagsskapir við vælgerandi endamáli eins og sahrawi fólki, sum eru flakkarar ið liva mest í Vestursahara og Mauretania. Og so var ein onnur orsøk eisini, og hon var, at hann var byrjaður at drekka og spæla um pengar, og tí ynskti at taka seg sjálvan í nakkan.
Nú ferðin endaði kundi hann staðfesta, at hann hevur savnað saman 700.000 pund ella einar seks milliónir krónur.
The first person ever to run the entire length of Africa. Mission complete???? pic.twitter.com/PZk5aDCDgH
— Russ Cook (@hardestgeezer) April 7, 2024
Um tú veitst okkurt, sum VP ikki veit - skriva so til vp@vp.fo
