Manchester United hevði alt spælið, so gott sum, í dystinum móti Stoke, sum hevði heimavøll, men Stoke var fyrr á máltalvuni við einum óhepnum sjálvmáli. Tað sá út sum var tað De Gea sum fekk bótlin á beinið, men sprakk hann skeivan veg og í mál, til 1-0 til Stoke.
Manchester United trýsti og trýsti men bóturin fór ikki í netið. Møguliga átti Manchester United eini tvey brotsspark, men tað metti dómarin ikki.
Stóran part av síni karrieru hevur hann verið heppin, liðskiparin Rooney, og í dag var einki undantak. Eitt fríspark, nakað frá hornasparksblettinum, bjargaði honum eisini í dag. Hann skjeyt bóltin innfyri, men hann endaði í sjálvum málinum.
Ein sonn sensasjón, tá hugsað verður um, at liðskiparin og enski landsliðskapteynurin ikki hevur skorað í Premier League síðani fyrsta umfar í hesi sesongini.
Við sínum máli nummar 250 fyri Manchester United er hann samtíðis mest skorandi leikari nakrantíð hjá Manchester United.
Um tú veitst okkurt, sum VP ikki veit - skriva so til vp@vp.fo