Onnur tíðindi
Russisku trolararnir Ester og Lira eru komnir á Runavík í morgun eftir drúgvt sleip seinastu tveir dagarnar.
Sambært upplýsingum frá Marine Traffic sleipar Lira Ester sum er "not under command" og Lira hevur "restricted manouverability".
Vessel Finder lýsir støðuna hjá Ester sum "drifting".
Brimil er ikki langt har frá, men hagani verður uppýst, at teir ikki eru partur av bjargingini.
Russisk skip hava bert avmarkaðar møguleikar at sleppa í føroyska havn, men tá talan, sum í hesum førum, er um maskinbrek ella líknandi, so standa havnirnar opnar.
Ester og Lira hoyra til sama reiðarí.
Um tú veitst okkurt, sum VP ikki veit - skriva so til vp@vp.fo
