Meira enn seks mánaðir eftir kríggið í Ukraina byrjaði, hevur Russland "ikki enn nátt nakað av sínum strategisku málum" við innrásini.
Tað segði bretski verjumálaráðharrin Ben Wallace í dag sambært CNN.
Russland "heldur fram at missa munandi av útgerð og manning" í krígnum, legði hann afturat og segði, at tapini fara at hava eina varandi ávirkan á krígseffektivitetin hjá Moskva.
- Mett verður nú, at yvir 25.000 russiskir hermenn hava latið lív. Um dripnir, skaddir, tiknir og teir fráboðaðu fleiri tíggjutúsund flýddu hermenninir verða lagdir saman - so er talið yvir 80.000, segði Wallace í talu síni í bretska Undirhúsinum, skrivar TV 2.
Um tú veitst okkurt, sum VP ikki veit - skriva so til vp@vp.fo
