Føroyski útisetin Simon von Konoy, hevur júst givið út eina fløgu, ið ber heitið Sea of Heartbreak.
Fimtan eldri sangir, sum t.d. From a Jack to a King, Is it Wrong for Loving you og Dear John, eru á skivuni, sum er til sølu hjá Tutl í Havn.
Upptøkan er farin fram í hølunum hjá Konoy Music, ímeðan Hyldahl Sessions hevur ljóðblandað.
Fyri fáum árum síðani hevði Simon kenda sangaran og skemtaran Jacob Haugaard við sum gestasangara á eini útgávu.
Hesuferð eitur gestasangarin Mette Renbo. Hon er ein kend donsk sangarinna, ið við jøvnum millumbilum gevur út sangir, har hon sjálv eigur bæði orð og lag. Á country-fløguni syngur hon umframt kór, eisini nakrar sangir sjálv.
Um tú veitst okkurt, sum VP ikki veit - skriva so til vp@vp.fo
