Stýrið fyri Róðrargrunn Føroya: Róðrargrunnur Føroya bjóðar nú aftur kappróðrarfeløgum at søkja um stuðul til at smíða kappróðrarbátar.
Á fíggjarlógini fyri 2023 fekk grunnurin játtaðar 100.000 kr. til kappróðrarbátasmíð, sum kappróðrarfeløg kunnu søkja um.
Freistin at søkja um stuðul úr grunninum er mánadagin 15. mai 2023. Treytin fyri at fáa stuðul er, at kjølurin er strektur 25. apríl 2024.
Umsóknir skulu vera í mesta lagi eina A4-síðu til longdar. Í umsóknini skulu vera kostnaðarætlan, tíðarætlan og upplýsing um, hvør skal smíða bátin.
Harumframt skulu í umsóknini upplýsast teldupostur og telefonnummar hjá minst tveimum persónum, sum hava ábyrgd av felagnum, ið søkir.
Umsóknirnar verða viðgjørdar síðst í mai 2023.
Um tú veitst okkurt, sum VP ikki veit - skriva so til vp@vp.fo
