Tað vóru ferðafólk umborð á einum túrbáti einar 400 kilometrar eystan fyri Cape Town í Suðurafrika sum sóu óvanliga tilburðin síðsta summar, tá ein bóghvítuhvalur gjørdi enda á einum 2,5 metra langum hávi, púra einsamallur. Eftir at hava dripið hávin át bóghvítuhvalurin livrina.
Italiumaðurin Primo Micarelli var við á túrinum, hann er havlívfrøðingur og granskar súgdjór í havinum. Hann heldur, at óvanliga hendigin kann vera tekin um broytingar í havvistskipanini.
- Eg havi ongantíð sæð ein einsamallan bóghvítuhval gera hetta. Tað er vanligt, at teir veiða í flokki, men ikki einsamallir, sigur hann við CNN.
Um tú veitst okkurt, sum VP ikki veit - skriva so til vp@vp.fo