Í dag varð skipað fyri hátíðarhaldi, nú spakin er settur í til Sambýlið í Reynstúni á Argjum.
Sólvit E. Nolsø, landsstýrismaður í almannamálum, bar fram røðu, áðrenn hann loysti fyrsta flagið fyri heiminum.
Nýggja Sambýlið í Reynstúni á Argjum eru til fólk við menningartarni og fjølbreki, sum hava tørv á røkt og stuðul alt samdøgrið. Pláss verður fyri 18 búfólkum. Umframt búeindirnar verða felagsøki og starvsfólkaøki.
Í mai mánað vórðu arbeiðstøkusáttmálarnir at byggja sambýlið undirskrivaðir. Tað eru P/F Articon (jørð, kloakk og bygning), P/F Maria Poulsen (HVS og ventilatión) og Sp/f El.fo (el og ABA), sum fara at standa fyri arbeiðnum.
Tað er Teknistovan MAP arkitektar, ið hevur prosjekterað verkætlanina.
Heimið fer at liggja beint omanfyri rundkoyringina við Glyvursvegin á Argjum. Arbeiðið byrjar í næstum og skal verða liðugt síðst í 2023.
Um tú veitst okkurt, sum VP ikki veit - skriva so til vp@vp.fo
