Komið heim, siga bæði kommunalu- og landsmyndugleikarnir í kór.
Men til hvat?
Nú segði ein stjóri seg frá, tí tað almenna hevði ikki rætt hond frá síðu í meira enn 5 ár.
Ein persónur varð einmælt innstillaður at fáa eitt superstarv hjá tí almenna, men ein politikari segði nei.
Í dag er ein stjóri settur, sum fyrr hevur verið stjóri bæði her og der.
Er tað so, at tey sum søkja starv og tey, sum seta í starv, eru tey somu, ið hava sungið somu sangir í kór á Oyrasundi?
Nei, vit bara spyrja fyri tey, sum kanska ætla sær heim, og ikki eru so gomul, at tey hava sungið kór í 70'unum og hava fyrrverandi størv at vísa á.
Er tað sama innannøring í føroysku almennu starvssetanunum, sum summi siga er í føroyska fólkinum, spyrja vit eisini.
Ad-hoc toymið
Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.
Um tú veitst okkurt, sum VP ikki veit - skriva so til vp@vp.fo
