U18-genturnar hjá EBS/Skála kundu hóskvøldið taka ímóti Mótasteypinum - Mynd: Bjarni Enghamar
U18-genturnar hjá EBS/Skála kundu hóskvøldið taka ímóti Mótasteypinum - Mynd: Bjarni Enghamar
U18-genturnar hjá EBS/Skála kundu hóskvøldið taka ímóti Mótasteypinum - Mynd: Bjarni Enghamar
FSF: U15-dreingirnir hjá B36 gjørdust fyrr í mánaðinum ársins fyrstu steypavinnarar, tá teir vunnu Cadburysteypið, og fyrr í vikuni kundu U18-genturnar hjá EBS/Skála fegnast, eftir at tær høvdu vunnið finaluni um Mótasteypið.
Og sunnudagin 22. november verður aftur steyparómur á Tórsvølli. Klokkan 12:30 spæla U17-dreingirnir hjá KÍ og HB finaluna um Blaðberasteypið, og aftaná, klokkan 15:00, fara U15-genturnar hjá Skála og HB at dystast um, hvør skal verða ársins vinnari av Eilif Arge steypinum.
Stóra brakið verður klokkan hálvgum seks, tá NSÍ og KÍ bresta saman í steypafinaluni hjá kvinnum.
Yngru finalurnar verða vístar beinleiðis á Ras 1 í Televarpinum, meðan finalan hjá kvinnum verður víst beinleiðis í sjónvarpinum hjá Kringvarpi Føroya.
Finalan um Thomas Dam Intersport steypið (U21) verður spæld sunnudagin 29. november, og eina lítla viku seinni, leygardagin 5. desember klokkan 16:00 er finalan um Løgmanssteypið á skránni.
Um tú veitst okkurt, sum VP ikki veit - skriva so til vp@vp.fo
