VP bað um innlit í eftirlønir hjá løgtingsfólkum, tingformonnum og landsstýrisfólkum, og fyrst at svara var Løgtingsskrivstovan viðvíkjandi løgtingsfólkum og løgtingsformonnum.
Les grein: 46 tingfólk fáa útgoldið eftirløn frá Løgtinginum
Tað var Løgmansskrivstovan sum fekk innlitsumbønina viðvíkjandi landsstýrisfólkunum frá VP, og nú hevur Løgmansskrivstovan svarað umbønini.
Svarið er soljóðandi:
- 14 fyrrverandi landsstýrisfólk fáa eftirløn umframt 4 eftirsitandi hjúnarfelagar hjá fyrrverandi landsstýrsisfólki. Í alt eftirløn til 18 persónar.
- Lægsta gjaldið um mánaðin í eftirløn er kr. 5.376,- og hægsta eftirløn um mánaðin er kr. 38.305,-
- Gjaldið fyri øll 18 fólkini um mánaðin er kr. 340.777,-
Út frá samlaðu tølunum, so fáa fyrrverandi løgtingsfólk, landsstýrisfólk og løgtingsformenn umframt eftirsitandi hjúnafelagar tilsamans útgoldnar 1.078.176,17 krónur í eftirløn um mánaðin.
Um tú veitst okkurt, sum VP ikki veit - skriva so til vp@vp.fo