Hesar seinastu mánaðirnar er tað vorðið munandi dýrari at liva. Útreiðslurnar til brennievni, mat og dagin og vegin eru hækkaðar munandi og serliga barnafamiljurnar merkja sviðan av inflasjónini.
Sum rík kommuna eiga vit at gera átøk, ið muna hjá teimum, ið hava ilt við at fáa endarnar at møtast. Tí leggja vit uppskot fram um at hækka barnafrádráttin úr 8.000kr til 10.000kr um árið. Hetta kemur at gera ítøkiligan mun hjá øllum barnafamiljum. Uppskotið verður lagt fram tá fíggjarætlanin hjá Tórshavnar kommunu endaliga skal samtykkjast á býráðsfundi síðst í november. Kostnaðurin fyri kommununa av hesum átaki er uml. 11 mió kr.
Vit vóna og vænta, at undirtøka verður fyri uppskotinum.
Tjóðveldi í Tórshavnar býráð
Elsa Berg, Jákup Dam og Gunvør Balle
Um tú veitst okkurt, sum VP ikki veit - skriva so til vp@vp.fo
