Fyrrverandi amerikanski forsetin Donald Trump hevur avlýst ein tíðindafund sum skuldi vera í morgin, har hann ætlaði at framleggja eina frágreiðing sum prógvar, at hann er ósekur í øllum skuldsetingum sum hann hevur ímóti sær saman við 18 øðrum.
Á miðli sínum Truth Social skrivar hann millum annað: Í staðin fyri at leggja frágreiðingina um manipuleraða og stjolna forsetavalið í Georgia í 2020 fram mánadagin, vilja mínir sakførarar heldur leggja hana fram tá vit møta í rættinum. Tí er ikki neyðugt longur við tíðindafundinum.
Republikanarin Chris Christie, sum eisini stillar upp ímóti Trump, segði við CNN, at avlýsingin bara vísir, hvussu pressaður Donald Trump er.
- Hetta er fyrsta klóka avgerðin, sum maðurin hevur tikið í longri tíð, segði hann millum annað.
Donald Trump og hinir 18 risikera at enda í spjellinum, verða teir dømdir.
Um tú veitst okkurt, sum VP ikki veit - skriva so til vp@vp.fo
