Tónleikur
Sunnudagin hevði U2 konsert í París, har sangarin Bono brúkti høvi at kommentera svenska valið við naziheilsan.
Brotið liggur á YouTube.
Á stórskíggja var hann at síggja við devlaandliti.
Sambært VG, sum hevur søguna, sigur sangarin:
– Eg havi akkurát verið í Svøríki. Eg visti ikki hvussu mær dámdi sviar, langt, ljóst hár, blá eygu. Keðiligir, sigur hann innleiðandi.
– Men nú virkar tað sum um sviar byrja at uppdaga sítt ariska potensiali, sigur hann blóðsprongdur frá pallinum.
Síðani rópar hann út til fjøldina Jimmie Åkesson, áðrenn hann lyftur hondina upp í Hitler-heilsan, skrivar VG.
Um tú veitst okkurt, sum VP ikki veit - skriva so til vp@vp.fo
