Umleið 4.000 fólk hava higartil sæð filmin Bohemian Rhapsody í Havnar Bio.
Filmurin, sum snýr seg um kenda bretska rockbólkin Queen, hevur verið vístur í skjótt fimm vikur, og verður hann fyribils vístur til 12. desember.
- Vit høvdu ikki væntað, at so nógv fólk fóru at koma í biograf og hyggja at filminum, sigur Jákup Eli Jacobsen, stjóri í Havnar Bio, við Kringvarpið í dag.
Harumframt hava fleiri enn 900 fólk sæð filmin í Atlantis í Klaksvík.
Um tú veitst okkurt, sum VP ikki veit - skriva so til vp@vp.fo