Í gjár fór ungdómslandsliðið í badminton til Danmarkar at luttaka í ISI-cup. Tilsamans telur hópurin 19 leikarar. Við á ferðini eru eisini ungdómslandsliðsvenjarin Fai Yin Wong og ferðaleiðararnir Katrin Jacobsen og Bogi Jacobsen.
Kappingin byrjar í dag og heldur áfram í morgin. Okkara leikarar luttaka í í A-rekkjuni og Meistararekkjuni. A-rekkjan spælir einmans- og tvímansleik, og M-rekkjan spælir einmans-, tvímans- og blandaðan tvímansleik. Innleiðandi umførini verða spæld í dag í Herning, og hálvfinalur og finalur verða spældar í morgin í Ikast.
Tey skulu spæla ímóti leikarum úr Danmark og Íslandi - spennandi verður at fylgja við, hvussu fer at gangast teimum.
Leikararnir koma heim aftur mánadagin.
Um tú veitst okkurt, sum VP ikki veit - skriva so til vp@vp.fo