Politikkur
Almanna- og Mentamálaráðið: Endamálið við broytingaruppskotinum er at tryggja, at Kringvarpið so líðandi kemur í fíggjarliga javnvág og at tryggja inntøkugrundarlagið móti árligum prísvøkstri. Eisini er eitt av endamálunum at lækka gjaldskyldugu upphæddina hjá smærri virkjum og stovnum.
Skotið verður upp at styrkja Kringvarp Føroya fíggjarliga við at hækka gjaldið úr kr. 150,00 um mánaðin og upp í kr. 163,00 um mánaðin.
Hjá fólki í fólkapensjónsaldri verður skotið upp at hækka gjaldskyldugu upphæddina úr kr. 50,00 og upp í kr. 63,00 kr.
Um tú veitst okkurt, sum VP ikki veit - skriva so til vp@vp.fo
