Formaðurin í danska veganaraflokkinum avsannar, at hann skal hava brúkt falskar myndir av matstpilli í Føroyum til sítt átak ímóti føroyska grindadrápinum.
Í filminum sæst Michael Monberg uttan fyri ein handil, sum hann sigur er í Føroyum, og har finnur hann eina rúgvu av burturkasti úr handlinum, fyri tað mesta matvørur sum eru vorðnar ov gamlar.
Tað fekk nógvar lesarar hjá VP at ivast í, um upptøkurnar veruliga vóru gjørdar í Føroyum ella tær mundu vera framleiddar til endamálið onkra aðrastaðni.
Men hetta avsannar Michael Monberg.
Upptøkurnar gjørdi eg fyrr í vikuni uttanfyri hjá FK í Hoyvík, sigur hann í svari uppá fyrispurning frá VP.
Um tú veitst okkurt, sum VP ikki veit - skriva so til vp@vp.fo