Mynd: Norðlýsið
Mynd: Norðlýsið
Í Klaksvík hava føroyskir sjómenn saman við sínum kæru og øðrum føroyingum í skjótt tjúgu ár havt høvi til at hugna sær árliga í einum einastandandi tiltaki, har føroyska fiskivinnan er í hásæti.
Fólk hittast úr øllum landinum í føroyska fiskivinnu høvuðsstaðnum fyri at hámeta og æra føroyska fiskimannin og tey avrik hann fremur, so at vit í Føroyum kunnu hava eitt nútíðarligt og framkomið vælferðarsamfelag.
Ein framkomin og sterk fiskivinna tryggjar tað.
Nú landsstýrið er í ferð við at avtaka fiskivinnusamstarvið við Russland verður ein annar gerandisdagur í framtíðini.
Missa vit føroyingar Barentshavsflotan fer tað at hava eina ketureaksjón við sær í føroysku fiskivinnuni, har trolarar, línubátar og fiskavirkir, sum eru fíggjarliga knýtt afturat Barentshavsflotanum fara á húsagang.
Hetta kann longu henda í heyst.
Og tí seti eg spurningin um árligi fagnardagur sjómanna í Klaksvík í besta føri verður eitt minningarhald í komandi ári.
stúrin sjómaður
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
