Partafelagið Vindfelagið í Neshaga misti eina millión í nettosølu í fjør, og endaði árið við eini framleiðslu uppá 5,7 milliónir krónur.
Av tí sama minkaði ársúrslitið úr 1,8 mió kr niður í 644 tkr.
Framleiðslukostnaðirnir vuksu úr 850 tkr upp í 1,3 mió kr, og í frágreiðingini verður sagt, at framleiðslan minkaði úr 16,9 GWt í 2018 til 13,5 GWt í fjør, og orsøkin er partvís, at summar av myllunum av tekniskum ávum ikki vóru tøkar tí tær skuldu umvælast. Harumframt vóru vindviðurskiftini yvirhøvur ikki eins góð til framleiðslu sum árið fyri.
Vindfelagið í Neshaga er dóttirfelag hjá SEV og hevur fasta avtalu um at selja framleiðsluna fyri ávísan prís.
Um tú veitst okkurt, sum VP ikki veit - skriva so til vp@vp.fo
