Tórshavnar kommuna: Tórshavnar kommuna takkar øllum, sum luttóku í ruddingardøgunum í umhvørvisvikuni, og hava sent myndir inn. Øll hava verið sera røsk at rudda, umleið 33 tons av ruski eru skrásett á Brennistøðini hesar dagarnar.
Hetta er samstundis tíverri ein staðfesting av, at nógv órudd framvegis liggur og sløðist í kommuni. Latið okkum minnast til, ikki at blaka rusk í náttúruna.
Hepnu vinnararnir gjørdust næmingarnar í 4.a og 4.b í skúlanum á Argjahamri og næmingarnar á serbreytini á Glasi.
Tað var Bjørg Dam, forkvinna í Náttúru- og umhvørvisnevndini, sum handaði vinningarnar. Fyrst var hon boðin við til hugnaligan morgunsang í skúlanum á Argjahamri, og síðani varð vitjað á Glasi, har hon fekk eitt gott prát við lærarar og næmingar.
Tórshavnar kommuna ynskir hepnu vinnarunum hjartaliga tillukku við vinninginum.
Um tú veitst okkurt, sum VP ikki veit - skriva so til vp@vp.fo
