Um stutta tíð fara umboð fyri VØRN á kunningarferð, har vitjað verður á tveimum lofteftirlitsradarastøðum – eina í Hetlandi og eina í Suðuroyggjum.
Tað sigur VØRN í svari til innlitsumbøn frá VP.
Í svarinum verður sagt, at umboð fyri bretskar myndugleikar, føroyskar myndugleikar og donsku verjuna taka lut.
- Fyri fáum árum síðan varð nýggj lofteftirlitsradarastøð tikin í nýtslu í Hetland eftir at hava ligið still í nøkur ár.
- Í sambandi við ætlanina at seta upp nýggjan lofteftirlitsradara í Føroyum, er viðkomandi at hyggja at, hvussu verkætlanin er framd og hvørjar tekniskar loysnir verða brúktar, sigur VØRN í svarinum til VP.
Kunningarferðin er í døgunum 12. til 16. juni 2023.
Um tú veitst okkurt, sum VP ikki veit - skriva so til vp@vp.fo
