Løgreglan: Føroya Rættur hevur í dag dømt eina 31 ára gamla kvinnu 1 ára treytaleysa fongsulsrevsing fyri at smugla kokain til Føroya.
Kvinnan, ið er donsk, kom til Føroya við flogfari tann 5. mai 2023. Hon hevði uml. 100 gram av kokaini á sær, tá hon bleiv steðgað av tollarunum á flogvøllinum.
Kvinnan bleiv handtikin av løgregluni og síðani framstillaði ákæruvaldið hana í grundlógaravhoyring í Føroya Rætti, har hun bleiv varðhaldsfongslað til í dag, tá málið varð viðgjørt í Føroya Rætti.
Kvinnan játtaði seg seka. Ákæruvaldið metti, at hon skuldi hava minst 1 ára fongsulsrevsing. Hesum tók Føroya Rættur undir við.
Kvinnan tók við dóminum, sum hon skal sita beinanvegin.
Um tú veitst okkurt, sum VP ikki veit - skriva so til vp@vp.fo
