Frá 200 mió. krónum í yvirskoti til 200 mió. krónur í undirskoti eftir einum ári við nýggjari samgongu, vístu andstøðutinglimir á undir viðgerðini av uppskotinum um játtanarkarmar á løgtingsfíggjarlógini fyri 2025.
- Landskassin hevði avlop frá 2016 til 2022, tó ikki í 2020, tá ið korona ávirkaði búskapin. Úrslitið hjá landskassanum fyri 2023 er ikki endaliga gjørt upp enn, men Fíggjarmálaráðið metir, at úrslitið hjá landskassanum var um 200 mió. kr. í halli í 2023. Avlopið í fíggjarlógini fyri 2024 er um 4 mió. kr., men Fíggjarmálaráðið roknar við, at landskassin fer at hava hall á um 150 mió. kr. í 2024, stendur millum annað at lesa í fylgiskjølunum hjá Fíggjarmálaráðnum.
Um tú veitst okkurt, sum VP ikki veit - skriva so til vp@vp.fo
