Besta leið úr trupulleikum er ígjøgnum teir
- Robert Frost

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Lesarin skrivar

Lat okkum fakfeløg standa saman um at steðga arbeiðsgevarum í at brúka útlendsku arbeiðsmegina sum verkfalsbrótarar.

Nú frættu vit í fjølmiðlunum tað sum vit frammanundan hava havt varhugan av, nevniliga at greiðar ábendingar eru um, at arbeiðsgevarar miðvíst royna at brúka fremmanda arbeiðsmegi í einari ódámligari roynd at máa grundarlagið undan lógliga verkfallinum hjá arbeiðarafeløgunum.

Talan er í flestu førum um útlendingar, sum ikki hava kunnleika til føroyska arbeiðsmarknaðin, og sum tí eru løtt offur at brúka í herðferðini hjá arbeiðsgevarunum móti føroysku fakfeløgum

Eg vil staðiliga heita á øll fakfeløg, løntakarar og politikarar, sum virða verkfalssrættin, at standa saman í stríðnum móti hesari framferð, har óvitandi fremmandafólk kyniskt verða brúkt í stríðnum móti føroysku fakfelagsrørsluni og teimum rættindum, sum vit hava stríðst fyri nú í meira enn eina øld.

Nær verður tað okkara felag sum verður rakt av sama undirgravandi virksemi
Eingin ivi er um, at nú arbeiðsgevarar hava sæð, at tilber at brúka útlendsku arbeiðsmegina í royndini at knúsa føroysku fakfeløgini, so gongur ikki long tíð fyrr enn okkara felag ella eitt annað av føroysku fakfeløgunum fer at kenna avleiðingarnar av hesum ódámligu framferð hjá pørtum av okkara arbeiðsgevarum.

Tí er alneyðugt at vit skjótast tilber taka stig til at steðga hesum ágangi, og m.a. er neyðugt at okkara politikarar framyvir trygga, at arbeiðsgevarar ikki kunnu tvinga ella ávirka útlendingar til ikki at gerast limir í føroyskum fakfelag.
Annfinnur Garðalíð
Formaður
FSN

Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.

Um tú veitst okkurt, sum VP ikki veit - skriva so til vp@vp.fo