Menniskjan livir sum um hon ongantíð fer at doyggja. Og doyr so uttan nakrantíð at hava livað
- Dalai Lama

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tiltøk

Tann 30. mai er altjóða MS dagur, World MS Day. World MS Day er eitt átak hjá MS International Federation (MSIF), sum varð sett á stovn í 2009, og sum hevur limafeløg kring allan heimin.

Í Føroyum liva alsamt fleiri føroyingar við MS/Multiple Sclerosis, og tí vilja vit í Føroyum fegin varpa ljós á hendan dagin. MS er ein varandi sjúka, sum rakar miðnervalagi hjá tí, ið verður sjúkur, og tí rakar sjúkan ymiskt frá persóni til persón.

Endamálið við World MS Day er at varpa ljós á sjúkuna umframt at samla fólk, ið á einhvønn hátt eru rakt av hesi sjúku, hvørt tað er persónliga ella sum avvarandi.

Umrøðuevnið fyri Altjóða Sclerosudagin 2023 er ”samband”. MS Samband átakið hevur til endamáls at knýta sambond, bæði millum einstaklingar við sjúkuni, men eisini millum avvarandi til ein við sjúkuni. Umframt at virka fyri at knýta sambond millum fólk, ið á einhvønn hátt eru rakt av sjúkuni, ynskir World MS Day eisini at varpa ljós á sjúkuna úti í samfelagnum.

Slagorðið fyri World MS Day 2023 er ”I connect – we connect”. Endamálið við hesum er at knýta sambond soleiðis, at eingin stendur einsamallur við sjúkuni, hvørki tey, sum bera sjúkuna ella teirra avvarandi.

World MS Day 2023 verður í ár fyri fyrstu ferð hildin í Føroyum, og verður hetta gjørt við eini hugnaløtu á Býarbókasavninum í Havn týskvøldið 30. mai 2023 kl. 20.00 har Jógvan Andrias Joensen kemur at lesa yrking, ein hugleiðing verður um lívið við kroniskari sjúku og Holgar Jacobsen framførir nøkur løg umframt at drekkamunnur verður.

Um tú veitst okkurt, sum VP ikki veit - skriva so til vp@vp.fo