Lít á Várharra. Men hav eisini krútið turt
- Abraham Lincoln við soldátarnar

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Merkisdagar

Leygardagin 1. juli eru tað 150 ár síðani, at sýslumaðurin og politikarin Andrass Samuelsen úr Haldórsvík, búsitandi í Fuglafirði, varð føddur.

Hann hevði eina drúgva yrkisleið í politikki; bæði sum løgtings- og fólkatingsmaður, og at enda sum fyrsti løgmaður eftir heimastýrislógina í 1948.

Hann varð valdur á løgting í 1906, fyrstu árini í Norðstreymoyar og síðan í Eysturoyar valdømi, og var formaður Sambandsfloksins frá 1924-1948.

Verður hugt at valúrslitum eftir politiska floksbýtinum í 1906 og inní tríatiárini, kann ikki sigast annað enn, at hann og flokkurin myndaðu føroyskan politikk í ein mansaldur.

Tí Sambandsflokkurin vann meirilutan av løgtingssessunum meginpartin av hesum tíðarskeiðinum.

Samstundis sum Andrass Samuelsen var løgtingsmaður, var hann eisini fólkatingsmaður frá 1913-1915 og 1918-1939. Eitt dømi um hvussu vælumtóktur hann var í tí starvinum, er fólkatingsvalið í 1929. Tá stillaðu Sjálvstýris- og Javnaðarflokkurin í felag Símun Paula Konoy fram sum mótvalevni.

Hóast flokkarnir um hetta mundið høvdu meirilutan í løgtinginum, gekst ikki sum ætlað, tí Andrass Samuelsen vann við góðum 55% av atkvøðunum.

Hetta við góðum stuðli úr Norðstreymoy, har bróðurin Mikkjal var valdur inn á ting, men serliga Eysturoy, har knapt 75% av veljarunum atkvøddu fyri Andrassi.

Í minningarorðum í Tingakrossi lýsti, sjálvstýrismaðurin, Louis Zachariasen, Andrass Samuelsen sum ein mann við framúr góðum evnum. Bæði tá viðvíkti mannakunnleika og í politiskum hugsanarhátti.

Sum føroyskur umboðsmaður í Danmark var hann ikki einans politikari, men hjálpti eisini føroyingum, ið hann møtti í Keypmannahavn.

Haraftrat vitjaði hann javnan, kendar og ókendar, føroyingar, sum lógu á sjúkrahúsi niðri. 

Andrass Samuelsen gavst í politikki í 1950, eftir at hava verið løgmaður í tvey ár.

Hann doyði 30. juni í 1954, dagin fyri hann fylti 81 ár.

Sambandsflokkurin

Um tú veitst okkurt, sum VP ikki veit - skriva so til vp@vp.fo