![Arant a Myruni](https://www.vp.fo/fileadmin/_processed_/8/0/csm_Arant_a_Myruni_5374278bab.jpg)
Árant á Mýruni, MBF, vann sær pláss í finaluni, har hann leygardagin skal verja føroyameistaraheiti í einmansleiki hjá monnum. Mynd: Haldur Suni Johansen
![Jonas Djurhuus](https://www.vp.fo/fileadmin/_processed_/d/5/csm_Jonas_Djurhuus_d2be47a012.jpg)
Jónas Djurhuus, HBF, spælir í finaluni hjá monnum, har hann eins og í fjør møtir Árant á Mýruni, MBF
![Mia Thorkildshoej](https://www.vp.fo/fileadmin/_processed_/4/4/csm_Mia_Thorkildshoej_787a68a9bd.jpg)
Mia Thorkildshøj, HBF, skal á fyrsta sinni spæla finalu í einmansleiki, tá hon leygardagin skal spæla ímóti Miriam í Grótinum, HBF
![Miriam i Grotinum](https://www.vp.fo/fileadmin/_processed_/2/3/csm_Miriam_i_Grotinum_3b7136ebd7.jpg)
Miriam í Grótinum, HBF, skal í finaluni leygardagin verja føroyameistaraheitið í einmansleiki fyri kvinnur
![Arant a Myruni](https://www.vp.fo/fileadmin/_processed_/8/0/csm_Arant_a_Myruni_5374278bab.jpg)
Árant á Mýruni, MBF, vann sær pláss í finaluni, har hann leygardagin skal verja føroyameistaraheiti í einmansleiki hjá monnum. Mynd: Haldur Suni Johansen
![Jonas Djurhuus](https://www.vp.fo/fileadmin/_processed_/d/5/csm_Jonas_Djurhuus_d2be47a012.jpg)
Jónas Djurhuus, HBF, spælir í finaluni hjá monnum, har hann eins og í fjør møtir Árant á Mýruni, MBF
![Mia Thorkildshoej](https://www.vp.fo/fileadmin/_processed_/4/4/csm_Mia_Thorkildshoej_787a68a9bd.jpg)
Mia Thorkildshøj, HBF, skal á fyrsta sinni spæla finalu í einmansleiki, tá hon leygardagin skal spæla ímóti Miriam í Grótinum, HBF
![Miriam i Grotinum](https://www.vp.fo/fileadmin/_processed_/2/3/csm_Miriam_i_Grotinum_3b7136ebd7.jpg)
Miriam í Grótinum, HBF, skal í finaluni leygardagin verja føroyameistaraheitið í einmansleiki fyri kvinnur
BSF: Føroyameistararnir í badminton skulu finnast í morgin leygardagin, har finalurnar í KONTRAST FM blíva leiktar í Høllini á Hálsi í Havn. Hósdagin blivu innleiðandi umførini í einmansleiki spæld, har føroyameistararnir frá í fjør aftur vunnu sær sæti í finalunum. Í 2022 vóru tað Árant á Mýruni úr MBF og Miriam í Grótinum úr HBF, sum gjørdust føroyameistarar í einmansleiki í badminton hjá teimum vaksnu.
Hjá vaksnu kvinnunum vann Miriam í Grótinum úr Havnar Badmintonfelag hóskvøldið hálvfinaluna á Lenu Mariu Joensen úr Klaksvíkar Badmintonfelag. Í finaluni leygardagin møtir føroyameistarin frá í fjør Miu Thorkildshøj, HBF, sum fyri fyrstu ferð vann sær tað eina finaluplássið í einmansleiki við at vinna á Bjarnhild í Buð Justinussen í eini spennandi hálvfinalu í trimum settum.
Árant á Mýruni úr MBF vann eina tætta og spennandi hálvfinalu ímóti Magnus Dal-Christiansen úr HBF. Føroyameistarin hjá monnum frá í fjør skal í ár aftur spæla finalu ímóti Jónas Djurhuus, HBF. Jónas endurvann sær sæti í finaluni leygardagin við at vinna hálvfinaluna í tveimum settum ímóti Ára Isfeldt úr HBF, sum á fyrsta sinni luttók í eini hálvfinalu til FM.
Seinnapartin í dag verða innleiðandi umførini í tvímansleiki hjá kvinnum og monnum umframt í blandaðum tvímansleiki. Dystirnir verða leiktir í Badmintonhøllini í Havn frá klokkan 15:30, har tað er ókeypis atgongd fyri áskoðarar.
Finalurnar leygardagin í Høllini í Hálsi byrjað klokkan 10:00, har Badmintonsamband Føroya saman við Judosambandinum og Borðtennissambandinum skipar fyri KONTRAST FM. Kringvarp Føroya sendir beinleiðis frá finalunum seinnapartin, meðan BSF fer at stroyma finalurnar fyrrapartin á Facebook vanga sínum.
Jónas Djurhuus, HBF, spælir í finaluni hjá monnum, har hann eins og í fjør møtir Árant á Mýruni, MBF
Mia Thorkildshøj, HBF, skal á fyrsta sinni spæla finalu í einmansleiki, tá hon leygardagin skal spæla ímóti Miriam í Grótinum, HBF
Um tú veitst okkurt, sum VP ikki veit - skriva so til vp@vp.fo