Kann vera, at mínir pengar ikki gera meg eydnusaman. Men um tú ert ólukkuligur, so hjálpir tað at eiga nógvar pengar
- Simon Spies

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Vágatíðindi

Vága Tjóðveldisfelag: Ásla Leila Birgirsdóttir Johansen í Miðvági og Ingolf Sólheim Olsen í Sørvági stilla upp fyri Tjóðveldi til løgtingsvalið 8. desember.

Tað varð greitt, tá Vága Tjóðveldisfelag endaði sína uppstilling í gjárkvøldi við øðrum og triðja uppstillingarfundi, sum vórðu hildnir í Beitinum í Miðvági.

Nógv fólk var møtt upp til endaligu uppstillingina. Huglagið var gott, og góða uppmøtingin bar boð um, at tjóðveldisfólk eru spent og gleða seg til valið.

Árni Jacobsen, formaður í Vága Tjóðveldisfelag, greiddi eitt sindur frá uppstillingini og heitti á fólk um at bjóða seg fram at hjálpa til í valstríðnum, eitt nú við at heingja plakatir upp, og hann boðaði frá, at felagið fór at skipa fyri einum valkvøldi í Beitinum mánakvøldið 5. Desember – tríggjar dagar fyri valið.

Tey bæði valevnini greiddu eitt sindur frá, hvat tey ætla at leggja dent á í valstríðnum, og fundarfólkið fekk eisini høvi at gera viðmerkingar og seta spurningar.

 

Um tú veitst okkurt, sum VP ikki veit - skriva so til vp@vp.fo